Ogen : Pengerana 5 : 5
Thema : Hati-hati ras dilah
Sekalak guru sekolah mereken tugas palajaren man anak didikna, eme kap menggambar
alu tema,”sesuatu yang sangat menyakitkan ku”. Lit simenggambar tan
sekalak perbapan si sangana njemak cambuk, lit ka simenggambar sekalak
pernanden sangana nggetuk anakna, deba lit ka simenggambar lidi, kepeken
usur ia ipekpeki nandena salu lidi. Tapi lit
sekalak anak dilaki, tutus kel ia sangana menggambar dilah alu kata-kata
maut. Kenca isungkun kai alasenna, makana gambarna dilah? Emaka
ijababna,” arah kerina perbahanen si erbahanca sakit ukurku, dilahlah si
erbahanca mengganggu ras terluka pusuhku.” Kepeken kenca iselidiki,
bapa ras nandena biasa melasken kata-kata si kasar ras menyakitken.
Emaka payo bagi si ikataken
Jakobus, aminna kitik gia dilah e, banci mbelin pengaruhna. Dilah e bali
ras api. Sada kerangen simbelang banci iciluk alu api si kitik. Emaka
ola mamang ateta engkai makana banci guntar sada kuta hanya perban dilah
ngenca? Mbue persoalen, subuk kerna perubaten, pembunuhen, isebabken
kerna dilah si la banci i kontrol. Emaka kai si banci si lakoken gelah
dilah si rigan ibas kulanta la curnakenna dirinta?
Pertama, rukur ras pertimbangken
alu mehuli ope sibelasken kata demi kata. Sebab mekatep si terjadi
ngerana lebe kita maka rukur, kenca kalak si deban sakit hati ntah pe
tersinggung alu perkatanta.
Peduaken, ula boros kata-kata. Seperluna saja kita ngerana. Sabab adi enggo mbue kari kita ngerana la nari terem kata-kata ndai.
Peteluken, usahakan kata-kata si membangun, si positif, si mereken semangat ras mereken pengapul man kalak si deban.
Pertoton : Tuhan, ajari aku
dingen kuasai diriku ras dilahku khususna gelah banci aku ngerana alu
mehuli, kata-kata si membangun, si positif kubelasken, Amin.
Pokok Pikiren : Si mengontrol dilahta emekap pikirenta, emeka rukur lebe mehuli maka belasken, siksik lebe maka tindes.
Doa Syafaat : Nandangi ngawan si murahkal melasken kata-kata si la mehuli, la membangun.
Pdt. Larena Br. Sinuhadji
Tidak ada komentar:
Posting Komentar
Komen berarti Tanggapan. Terima Kasih :) Gbu