Alemilah Kami Tuhan

Ogen  : Keluaren 34: 9

Alemilah Kami Tuhan

            Ngakui kesalahen, kelemahen, kekurangen ras dosa labo hal si mesukah. Apalagi ka ngerana kerna kejahaten ras dosa jelma enterem. Tapi eme silakoken Musa selaku pemimpin bangsa Israel, bangsa si enggo ngelakoken kejahaten ras dosa man Tuhan, bangsa si mekeng. Alu nembah erjimpuh, ayona seh ku taneh, mindo ia gelah Dibata tetap erkeleng ate ras nggit ngalemi salah bangsa Israel.

            Kai si memotivasi Musa mindo pengelemi dosa idur Dibata nari? Jababna eme:

1.    Ietehna ras itandaina Dibata e, Tuhan si mada kuasa siperkuah ras perkeleng.

2.    Ietehna   ka pe adi lakin erkiteken keleng ate Dibata, labo ngasup bangsa e ndarat ibas kiniseranna nari. Sebab labo lit si man andalenken (bangsa e bangsa si sangana ibas perdalanen, labo lit wilayahna, labo lit kekuaten militer simbisa, labo lit pemerintahen si pentar.

Emaka adi la keleng ate Tuhan, kernep me bangsa e. enda jadi perenungen man banta. Adi la kin keleng ate Tuhan e si arapken, lit kin dalanna kita ngasup ngalaken perbeben e? Adi la kin pengalemen ibas Dibata nari, lit kin dalanta ermegah ibas doni enda.

Pertoton         : Alemi kami Tuhan, alu e ngenca kami mejuah-juah ibas geluh kami.

Pokok Pikiren: Ula nari kita mekeng, dalankenlah singena ateNa

Doa syafaat   : Pemimpin, pemerintah Indonesia gelah banci bagi Musa ngasup mindo pengalemen dosa idur Dibata nari guna bangsana.

                                                                                    Pdt. Irama Purba

sumber:http://maranatha.gbkp.or.id/